བོད་རྒྱ་ནག་གི་ཆ་ཤས་མ་རེད། བོད་ཀྱི་དུས་བབ། བོད་འདི་ལོ་རྒྱུས་ཀྱི་ཐོག་ནས་རྒྱ་ནག་གི་ཆ་ཤས་མིན་པ་གསལ་བོ་གསལ་རྐྱང་རེད། ང་རང་ནི་འདིའི་སྐོར་ལ་ཉམས་ ཞིབ་བྱེད་མཁན་ཞིག་ཡིན་པའི་ཆ་ནས་དངོས་ཡོད་ཀྱི་ལོ་རྒྱུས་དྲང་བོར་བཤད་དགོས་པ་རེད།    དེ་ང་རང་གི་ལས་ འགན་ཆགས་ཡོད་ཟེར། ཕྱི་ཚེས་ ༢༠ ཉིན་གྱི་ཕྱི་དྲོ་ཨ་མྱེས་རྨ་ཆེན་བོད་ཀྱི་རིག་གཞུང་གཅེས་སྐྱོང་ཁང་དང་བོད་ཀྱི་དཔེ་མཛོད་ཁང་གཉིས་ཀྱི་ གོ་སྒྲིག་འོག་ཨ་རིའི་ཨེན་ཌི་ཡ་ན་གཙུག་ལག་སློབ་གྲྭ་ཆེན་མོའི་དགེ་རྒན་ཆེན་མོ་སྤེར་ལིང་མཆོག་གདན་འདྲེན་གནང་ སྟེ། གངས་དཀྱིལ་བོད་ཀྱི་དཔེ་མཛོད་ཁང་དུ་རྒྱ་ནག་གི་ཆ་ཤས་ཡིན་པའི་ཐོག་བོད་ཀྱི་ལོ་རྒྱུས་ཀྱི་གནས་བབ་ལ་རྒྱ་མིའི་ ལྟ་སྟངས་གསར་པ་ལ་འགྲེལ་བརྗོད་ཅེས་པའི་བརྗོད་གཞིའི་ཐོག་གཏམ་བཤད་གནང་སོང་ལ། དེར་བཙན་བྱོལ་བོད་མའི་ གཞུང་ཞབས་ལས་བྱེད་དང་ཕྱི་གླིང་བ་སོགས་མི་ལྔ་བཅུ་ལྷག་འདུ་འཛོམས་ཡོད། སྐབས་དེར།...

                                མུ་མཐུད་བཀག་ཉར། བོད་ཀྱི་དུས་བབ། གསེར་རྟ་བླ་རུང་ལྔ་རིག་ནང་བསྟན་སློབ་གླིང་གི་ཆོས་རྗེ་མཁན་ཆེན་འཇིགས་མེད་ཕུན་ཚོགས་མཆོག་གི་སྐུའི་ཚ་བོ་ གྲྭ་ངག་ཆུང་ལ་རྒྱ་ནག་གཞུང་གིས་བོད་ནང་གི་གནས་ཚུལ་ཁ་པར་བརྒྱུད་ཕྱི་ཕྱོགས་སུ་ཁྱབ་བསྒྲགས་བྱས་པའི་ཉེས་ མིང་འོག་འཇུ་བཟུང་བྱས་ཏེ། ད་ལྟ་ལོ་གཅིག་ཟིན་གྱི་ཡོད་པ་རེད། གཉེན་ཉེ་སོགས་འབྲེལ་ཡོད་ཀྱིས་ཐུག་འཕྲད་བྱེད་ རྒྱུར་འབད་བརྩོན་ཐེངས་མང་བྱས་ཡོད་ཀྱང་། རྒྱ་ནག་གཞུང་གིས་ཐུག་འཕྲད་ཀྱི་གོ་སྐབས་མ་སྤྲད་པར་བརྟེན། ཁོང་རྒྱ་ ནག་ཁྲིན་ཏུའུ་གྲོང་ཁྱེར་གྱི་བཀག་ཉར་ཁང་དུ་ཡོད་པ་ཙམ་ལས་དངོས་ཡོད་གནས་ཚུལ་གང་འདྲ་ཡིན་མིན་ཤེས་ རྟོགས་ཐུབ་ཡོད་མི་འདུག    སྔར་ལོའི་ཟླ་༧ ཚེས་༨ ཉིན་གྱི་དགོང་མོ་གསེར་རྟ་རྫོང་བླ་རུང་ལྔ་རིག་ནང་བསྟན་སློབ་གླིང་གི་དགེ་འདུན་པ་བཀྲ་ ཕུན་དང༌འགུ་དྲག ངག་ཆུང་བཅས་རྒྱ་ནག་སི་ཁྲོན་ཞིང་ཆེན་གྱི་ལྟེ་གནས་ཁྲིན་ཏུའུ་ཞིང་ཆེན་སྤྱི་བདེ་ཉེན་རྟོག་ ཁང་ནས་འཛིན་བཟུང་བྱས་ཡོད་པ་དང༌།...

ལོ་རྗེས་མར་ཁྲིམས་གཅོད། བོད་ཀྱི་དུས་བབ། གནས་ཚུལ་འབྱོར་གསལ་ལྟར་ན། ད་ལོ་སྤྱི་ཟླ་ ༥ ཚེས་ ༡༢ ཉིན་ཨ་མདོ་རྔ་བ་ཁུལ་མཛོད་དགེ་རྫོང་ཨ་སྐྱིད་ཡུལ་ཚོའི་ ནང་དམག་མི་ཕོན་ཆེ་རིམ་འབྱོར་ཏེ། སྔར་ལོའི་ཞི་རྒོལ་སྐབས་ལས་འགུལ་སྣེ་ཁྲིད་བྱེད་མཁན་གཙོ་བོ་སུ་ཡིན་བརྩད་ གཅོད་བཏང་སྟེ། དང་ཐོག་གོང་གསལ་གདོང་མེ་སོགས་ཀྱི་མི་ ༧ མཛོད་དགེ་རྫོང་ཐོག་ཏུ་བཀག་ཉར་བྱས་ནས་ཡུན་ རིང་ཐག་གཅོད་གང་ཡང་མ་བྱས་པར་མནར་གཅོད་ཚད་མེད་བཏང་འདུག་པ་དང༌། དེ་རྗེས་ཁྲིམས་ཐག་བཅད་དེ་ སི་ཁྲོན་གྱི་མེན་ཡངས་ཞེས་པའི་ས་གནས་སུ་ཁྲིད་འདུག ཟླ་ ༥ ཚེས་ ༡༢ ཉིན་གདོང་མ་དང༌། བཀྲ་ཤིས་རྡོ་རྗེ། བསོད་ ནམས་སྟོབས་ལྡན་བཅས་གློད་གྲོལ་བཏང་ཡོད་ཀྱང་། གཞན་སྒྲོལ་མ་སྐྱབས་དང༌། ཚེ་དབང་འགྱུར་མེད། སྐལ་བཟང་ཉི་ མ། རོང་ཕྲུག་བཅས་ད་ལྟ་མུ་མཐུད་བཙོན་འཇུག་བྱས་ཡོད་པ་དང༌། ལོ་རྗེས་མའི་ཕྱི་ཟླ་ ༧ ནང་ཁྲིམས་ཐག་གཅོད་རྒྱུ་ ཡིན་པའི་གནས་ཚུལ་ཐོན་འདུག   གཞན་ཡང་སྒྲ་སྙན་རྡུང་ལེན་པ་སྟག་སྐྱབས་དང༌མདོ་སྡེ་སོགས་མི་ ༣༥ ལྷག་རྒྱ་མིའི་ལས་བྱེད་པའི་སྡོད་ཤག་ལ་རྒོལ་ གཏམ་བཏང་བར་འབྲེལ་བ་ཡོད་ཚུལ་བསྙད་དེ་འཛིན་བཟུང་གིས་མཛོད་དགེ་རྫོང་ཐོག་ཏུ་བཀག་ཉར་དང་གཅར་ རྡུང་མནར་གཅོད་ཚད་མེད་བཏང་མཐར་ཉེས་ཆད་ལ་མཐོ་ཤོས་རྒྱ་སྒོར་ཉིས་ཁྲི་དང༌།...

བོད་གཞུང་ཕྱོགས་ནས་བོད་རྒྱ་འབྲེལ་མོལ་མཇུག་སྐྱོང་རེ་བ། RFA རླུང་འཕྲིན་ཁང་། བཙན་བྱོལ་བོད་གཞུང་གིས་རྒྱ་ནག་གཞུང་དང་བོད་ཀྱི་གནད་དོན་ཐད་འགྲིག་འཇགས་བཀའ་བསྡུར་གནང་རྒྱུའི་ གནད་དོན་དེའི་ཐད་ཚོགས་འདུ། ༄༅༎ཨིན་ཊུ་ཨེ་ཤའན་ནིའུ་སེ་ཞེས་པའི་གསར་འགྱུར་ནས་ལུང་འདྲེན་བྱས་ཏེ་གནས་ཚུལ་བཀོད་པར་བྱས་ན་ཉེ་ཆར་ བཞུགས་སྒར་རྡ་རམ་ས་ལར་བཙན་བྱོལ་བོད་གཞུང་གིས་རྒྱ་ནག་གཞུང་དང་བོད་ཀྱི་གནད་དོན་ཐད་འགྲིག་འཇགས་ བཀའ་བསྡུར་གནང་རྒྱུའི་གནད་དོན་དེའི་ཐད་ད་ཕན་བཀའ་གྲོས་ཐེངས་བརྒྱད་གནང་གྲུབ་པའི་རྗེས་ནས་ད་བར་བཀའ་ གྲོས་མུ་མཐུད་གནང་མི་ཐུབ་པར་གནས་ཡོད་པ་དེ་དག་མུ་མཐུད་དེ་འགྲིག་འཇགས་བཀའ་བསྡུར་མཇུག་སྐྱོང་ཡོང་རྒྱུའི་ ཆེད་དུ་བོད་གཞུང་གི་ཕྱོགས་ནས་འབད་བརྩོན་གནང་རྒྱུའི་ཆེད་དུ་བོད་དོན་འབྲེལ་བའི་ལས་དོན་ཚོགས་པའི་ཚོགས་ འདུ་ཐེངས་བཅུ་དགུ་པ་དེ་མཇུག་བསྒྲིལ་གནང་ཡོད་པ་རེད།  ...

ནིའུ་ཡོག་ཚགས་པར་ཐོག་སྔ་ལོའི་བོད་ཀྱི་གནས་ཚུལ་ངོ་སྤྲོད། RFA...

བོད་ནང་འབུ་སྲིན་གྱི་དཀའ་ངལ་གསར་པ་ཞིག་འཕྲད་བཞིན་པ། RFA་ རླུང་འཕྲིན་ཁང་། བོད་ཀྱི་ས་ཁུལ་གང་ཙམ་ནང་ཐན་པ་ཤུགས་ཆེ་བྱུང་བའི་རྐྱེན་གྱིས་ལོ་ཏོག་ལ་གནོད་སྐྱོན་བཟོ་མཁན་གྱི་འབུ་རིགས་ འབོར་ཆེན་ཡོང་བའི་དཀའ་ངལ། ༄༅༎བོད་ཀྱི་ས་ཁུལ་གང་ཙམ་ནང་ཐན་པ་ཤུགས་ཆེ་བྱུང་བའི་རྐྱེན་གྱིས་ཨ་ཚག་ཚག་པ་སོགས་ལོ་ཏོག་ལ་གནོད་སྐྱོན་ བཟོ་མཁན་གྱི་འབུ་རིགས་འབོར་གྱི་འཇིགས་པའི་དཀའ་ངལ་གསར་པ་སྤྲད་ཀྱི་ཡོད་པའི་གནས་ཚུལ་ཐོན་འདུག ...

འཛམ་གླིང་ནང་གསར་འགོད་པ་བཙོན་བཅུག་མང་ཤོས་བྱེད་མཁན། ༄༅།      །ཨི་རན་དང་རྒྱ་ནག་གཉིས་ནི་འཛམ་གླིང་ནང་གསར་འགོད་པ་བཙོན་བཅུག་བྱེད་མཁན་མང་ཤོས་ཀྱི་ཡུལ་ གྲུ་གཉིས་ཡིན་པ་དེའང་ཨི་རན་ནང་གསར་འགོད་པ་མི་གྲངས་སུམ་ཅུ་སོ་གསུམ་བཙོན་བཅུག་འོག་གནས་ཡོད་པའི་ སྐོར་རྒྱལ་སྤྱིའི་མཐའ་མཚམས་མེད་པའི་གསར་འགོད་ཚོགས་པའི་འབྱུང་ཁུངས་ནས་གནས་ཚུལ་སྤེལ་དོན་ལྟར་ན་ ཨི་རན་གྱི་རྒྱལ་ས་ཊེ་རན་གྱི་ནང་གྲགས་ཅན་གསར་འགོད་པ་ཇི་ལ་སྦ་ནི་ཡ་གུབ་དང་ཁོང་གི་བཟའ་ཟླ་སྦེ་ཧ་མན་ ཨ་ཧ་མ་རྡིན་ཨ་མོ་ཞུ་བ་ཁོང་གཉིས་དོ་དམ་འཛིན་བཟུང་བྱས་ཡོད་པའི་གནས་ཚུལ་ཐོན་ཡོད་པ་རེད།     གསར་ འགོད་པ་ཇི་ལ་སྦ་ནི་ཡ་གུབ་ནི་ཨ་མི་རི་ཀའི་ནང་རྟེན་གཞི་བྱེད་པའི་རྒྱལ་སྤྱིའི་བེུད་ཀྱི་གསར་འགོད་ལྷན་ཚོགས་ ཀྱི་བེུད་གསར་འགོད་པའི་གཟེངས་རྟགས་བཞེས་མྱོང་ཡོད་པ་ཞིག་ཀྱང་ཡིན་པ་དང་ཁོང་མོས་བེུད་ཀྱི་ཐོབ་ཐང་ཀྱི་ སྐོར་དྲ་རྒྱ་སོགས་ཀྱི་ནང་གནས་ཚུལ་མང་བཏོན་གནང་མཁན་ཞིག་ཡིན་པ་རེད།  དེ་བཞིན་ཨི་རན་གྱི་ནང་གསར་ འགོད་པ་གཞན་མང་པོ་འཛིན་བཟུང་བཙོན་བཅུག་འོག་གནས་ཡོད་པའི་གནས་ཚུལ་ཐོན་བཞག

རྒྱལ་སྤྱིའི་བྱ་དགའ་ཐོབ། ཁ་སང་ཕྱི་ཚེས་༢༡ ཉིན་གྱི་དགོང་མོ་རྒྱ་ནག་གི་གྲོང་ཁྱེར་ཧྲང་ཧེ་རི་བོད་ཀྱི་གློག་བརྙན་འཁྲབ་ཁྲིད་པ་གྲགས་ ཆེན་པད་མ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་༼འཚོལ་༽ཞེས་པར་སྐབས་ ༡༢ པའི་རྒྱལ་སྤྱིའི་ གློག་བརྙན་དུས་ཆེན་གྱི་འདེམས་བསྡུར་འཐུས་ཚབ་ཟེར་བའི་བྱ་དགའ་དེ་ཐོབ་ཡོད་འདུག་ལ། ཐེངས་དེའི་ཧྲང་ ཧེའི་རྒྱལ་སྤྱིའི་གློག་བརྙན་དུས་ཆེན་འགྲན་བཞུགས་ཁྲོད། རྒྱལ་ཁབ་འདྲ་མིན་གྱི་ཁྱོན་བསྡོམས་གློག་བརྙན་གཅིག་ སྟོང་ ༡༠༠༠ ལྷག་ཡོད་ཞུགས་ཡོད་པ་ལས་གློག་བརྙན་ ༡༦ ལ་གོང་གི་བྱ་དགའ་དེ་ཐོབ་ཡོད་པ་དང་། དེའི་ཁྲོད་ རྒྱ་ནག་གི་གློག་བརྙན་གཞན་ཞིག་ལའང་བྱ་དགའ་དེ་ཐོབ་ཡོད་འདུག   བོད་རིགས་ན་གཞོན་པད་མ་ཚེ་བརྟན་ལགས་ཀྱི་སྐད་གྲགས་ཆེ་བའི་གློག་བརྙན་ ༼ ཁུ་སིམ་སིམ་གྱི་མ་ནི་རྡོ་འབུམ༽ སོགས་སྒྱུ་རྩལ་གྱི་ཚད་གཞི་ཧ་ཅང་མཐོ་བའི་གློག་བརྙན་ཁ་ཤས་བཟོ་སྐྲུན་བྱས་ཡོད་པ་མ་ཟད། དེ་མིན་གྱི་བརྩམས་ སྒྲུང་དང་འཁྲབ་གཞུང་མང་དག་ཅིག་བརྩམས་ཡོད་པ་དང་།     སྔར་ཡང་གློག་བརྙན་དེ་དག་ལ་རྒྱལ་ཁབ་རིམ་པ་ དང་རྒྱལ་སྤྱི་བཅས་ཀྱི་བྱ་དགའ་ཐེངས་མང་ཐོབ་མྱོང་ཡོད་འདུག

དགེ་འདུན་པའི་ཚན་རིག་འགྲེམས་སྟོན་ཐེངས་དང་པོ། བོད་ཀྱི་བང་ཆེན། ཟླ་འདིའི་ཚེས་༢༢ ཉིན་གངས་སྐྱིད་སྤྱི་ཐབ་ཚོགས་ཁང་དུ་ཉིན་གསུམ་རིང་དགེ་འདུན་པའི་ཚན་རིག་འགྲེམས་སྟོན་ ཐེངས་དང་པོ་ཞེས་པ་འཚོགས་ཡོད་པ་དང།   དེ་ནི་ཨ་རིའི་ཨེ་མོ་རི་གཙུག་ལག་སློབ་གཉེར་ཁང་དང།  བོད་ཀྱི་དཔེ་ མཛོད་ཁང་གཉིས་མཉམ་འབྲེལ་བྱས་པའི་ཚན་རིག་ཟབ་སྦྱོང་ཐེངས་གཉིས་པ་དེ་ཟླ་བ་གཅིག་ལྷག་རིང་འཚོགས་པའི་ མཇུག་བསྡོམས་ལྟ་བུ་ཡིན་པ་རེད། ཚོགས་ཐོག་དེར་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ ལགས་དང། ཨེ་མོ་རི་གཙུག་ལག་སློབ་གྲྭའི་དགེ་རྒན་དགེ་བཤེས་བློ་བཟང་བསྟན་འཛིན་ལགས།   ཕྱི་རྒྱལ་གྱི་མཁས་ དབང་གཉིས་བཅས་ཀྱིས་གསུང་བཤད་གནང་སོང། དེར་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཀྱིས་གསུང་དོན། སོ་སོའི་རྩ་ཆེའི་རིག་ གཞུང་གཞི་ལ་བཞག་པའི་ཐོག་ནས་གང་ནས་ཡིན་ཡང་ལེགས་ཆ་བླངས་ནས་སྤུས་དག་ཏུ་གཏོང་བ་དང། ཡག་ཏུ་ གཏོང་བའི་ཆེད་དུ་སྦྱོང་གི་ཡོད་པ་རེད། ཚན་རིག་ནི་ཕྱི་དངོས་པོའི་ཐོག་ནས་ནུས་པ་འདོན་པ་ཞིག་དང། ནང་ཆོས་ ནི་ནང་སེམས་ཀྱི་ཐོག་ནས་ནུས་པ་འདོན་པ་ཞིག་རེད། དངོས་ཡོད་གནས་ཚུལ་ཐོག་མི་ལ་ལུས་སེམས་གཉིས་ཀ་ཡོད་ པ་ཡིན་སྟབས།...

འོས་བསྡུའི་གལ་གནད་སྐོར་ལ་ྋགོང་ས་མཆོག་གི་བཀའ་སློབ༌། བོད་ཀྱི་བང་ཆེན། རྒྱ་གར་ལ་སླེབས་ནས་༡༩༦༠ ལོ་ནས་བཟུང་སྟེ་མང་གཙོའི་ལས་འགུལ་གྱི་འགོ་བཙུགས་ནས། རིམ་པས་ལག་ལེན་མང་ པོ་བསྟར་ཡོད་རེད།   གཞིས་ཆགས་ཁག་གི་སྒྲིག་འཛུགས་ཀྱིས་མཚོན་པའི་མང་པོ་ཞིག་ལག་ལེན་བསྟར་ཡོད་པ་རེད། ཕལ་ཆེར་༢༠༠༡ ནས་བཟུང་འོས་བསྡུ་བྱས་ནས་བཀའ་བློན་ཁྲི་པ་བསྐོ་བའི་གཏན་འབེབས་བྱས་པ་རེད། དེ་ནས་མང་ གཙོའི་འོས་བསྡུའི་ཐོག་ནས་བཀའ་བློན་ཁྲི་པ་འོས་བསྡུ་བྱུང་ནས་ལས་ཐོག་གཉིས་པའི་སྒང་ལ་སླེབས་བསྡད་ཡོད་རེད། དེ་གྲུབ་འབྲས་ཆེན་པོ་ཡིན་བསམ་དྲན་གྱི་འདུག བཙན་བྱོལ་དང་ཕྱོགས་གཅིག་ནས་བོད་ཀྱི་ལོ་རྒྱུས་ཐོག་ལ་བོད་ཀྱི་ ཆབ་སྲིད་ཀྱི་འགོ་ཁྲིད་མང་གཙོའི་འོས་བསྡུའི་ཐོག་ནས་ཡར་སླེབས་པ་ཐེངས་མ་དང་པོ་ཆགས་ཀྱི་ཡོད་རེད། དེ་དངོས་ གནས་གཟི་བརྗིད་ཆེན་པོ་དང། རླབས་ཆེན་པོ་ཞིག་ཆགས་བསྡད་ཡོད་རེད།  གང་ལྟར་ྋརྒྱལ་བ་རིན་པོ་ཆེས་བོད་ཀྱི་ ཆོས་སྲིད་གཉིས་ཀྱི་དབུ་ཁྲིད་ཟེར་བའི་གནས་སྟངས་དེ་བསྒྱུར་བཅོས་འགྲོ་ཡི་ཡོད་རེད།  གཞན་འདས་པའི་ལོ་བཞི་ བརྒྱ་མ་ཟིན་ཙམ་གྱི་རིང་ལ་ྋརྒྱལ་བ་རིན་པོ་ཆེས་ཆོས་སྲིད་གཉིས་ཀྱི་འགོ་ཁྲིད་བྱས་ནས་ཕྱིན་པ་རེད།...

བོད་ནང་ཐན་སྐྱོན་གྱི་གནོད་ཚབས་ཇེ་སྡུག་ཏུ་ཕྱིན་པ། RFA རླུང་འཕྲིན་ཁང་། བོད་ནང་འདས་པའི་མི་ལོ་སུམ་བཅུའི་ནང་གི་ཐན་པ་ཚབས་ཆེ་ཤོས་དེ་བཞིན་ད་ལོ་ཐོན་ཡོད་པའི་སྐོར་གནས་ཚུལ་ ཁྱབ་སྤེལ་བྱས་ཡོད་པ་རེད། ༄༅༎བོད་ནང་འདས་པའི་མི་ལོ་སུམ་བཅུའི་ནང་གི་ཐན་པ་ཚབས་ཆེ་ཤོས་དེ་བཞིན་ད་ལོ་ཐོན་ཡོད་པའི་སྐོར་རྒྱ་ནག་ གཞུང་འབྲེལ་ཤིན་ཧུ་ལྦ་གསར་སྤེལ་ཚན་པས་ཁེ་ས་གཟའ་སྤེན་པའི་ཉིན་གནས་ཚུལ་ཁྱབ་སྤེལ་བྱས་ཡོད་པ་རེད།  འདས་ པའི་མི་ལོ་སུམ་བཅུ་ལྷག་ཙམ་རིང་ནས་འགོ་བཙུགས་ཏེ་ཐན་པའི་གནོད་སྐྱོན་ལོ་རེ་བཞིན་ཚབས་ཆེ་རུ་ཕྱིན་ཏེ་བོད་ཀྱི་ས་ ཁྱོན་བསྡོམས་ཧེཀ་ཊར་སྟོང་ཕྲག་མང་པོ་བྱེ་ཐང་འདྲ་བའི་བེད་མེད་ཅན་དུ་གྱུར་ཡོད་པས་མ་ཟད་སྒོ་ཕྱུགས་སེམས་ཅན་ ཆིག་ཁྲི་སུམ་སྟོང་ལྷག་ཤི་སྐྱོན་ཕྱིན་ཡོད་པ་རེད།      ...

རྒྱ་ནག་ཏུ་མི་མང་སྟོང་ཕྲག་བཅུ་ལྷག་གིས་ངོ་རྒོལ་བྱས་པ། RFA རླུང་འཕྲིན་ཁང་། ཧུ་བཱེ་ཞིང་ཆེན་གྱི་གྲོང་ཁྱེར་ཤི་ཤོ་ཟེར་བའི་ནང་ངོ་རྒོལ་དུས་ཟིང་ཤུགས་ཆེ་ཞིག་བྱུང་སྟེ་ཉེན་རྟོག་པས་ཞོལ་འཇགས་ བྱེད་ཐབས་བྱེད་བཞིན་ཡོད་པ། ༄༅༎རེས་གཟའ་སྤེན་པའི་ཉིན་རྒྱ་ནག་དབུས་ཧུ་བཱེ་ཞིང་ཆེན་གྱི་གྲོང་ཁྱེར་ཤི་ཤོ་ཟེར་བའི་ནང་ངོ་རྒོལ་དུས་ཟིང་ཤུགས་ ཆེ་ཞིག་བྱུང་སྟེ་ཉེན་རྟོག་པས་ཞོལ་འཇགས་བྱེད་ཐབས་བྱེད་བཞིན་ཡོད་པ་ས་གནས་ཡུལ་མི་དང་འགྲོ་བ་མིའི་ཐོབ་ཐང་ བལྟ་རྟོགས་ཚོགས་པ་ཞིག་གིས་བརྗོད་འདུག     དོན་རྐྱེན་དེ་ས་གནས་དེའི་ནང་གཞུང་འབྲེལ་དང་འགྲེལ་བ་ཡོད་པའི་ མགྲོན་ཁང་ཞིག་གི་ནང་མི་ཞིག་དྭོགས་གཞིའི་རང་བཞིན་འོག་གཟའ་ལྷ་ག་པའི་ཉིན་རྐྱེན་འདས་སུ་ཕྱིན་པའི་གནས་ ཚུལ་བྱུང་རྗེས་བྱུང་བ་ཞིག་ཡིན་པ་ཕེ་རན་སི་གསར་སྤེལ་ལས་ཁང་གིས་གནས་ཚུལ་སྤེལ་འདུག  ...

ཨ་རིས་བོད་དོན་གྱི་གྲུབ་འབྲས་ངོ་མ་འཚོལ་གྱིན་ཡོད་ཟེར། བོད་ཀྱི་དུས་བབ། སྲིད་འཛིན་ཨོ་བྷ་མ་མཆོག་གིས་ཤར་ཨེ་ཤ་ཡ་དང་ཞི་བདེའི་རྒྱ་མཚོའི་མངའ་ཁུལ་ལས་དོན་གྱི་དྲུང་ཆེ་ལས་རོགས་སུ་ དམིགས་འཛུགས་བྱས་པའི་སྐུ་ཞབས་ཁུར་ཊི་ཨེམ་ཁམ་ཕེལ་ Kurt M. Campbell ལགས་ཀྱིས།    ཕྱི་ཚེས་ ༡༠ ཉིན་ གྲོས་ཚོགས་གོང་མའི་ཕྱི་སྲིད་ལས་དོན་ཚོགས་ཆུང་གི་མདུན་ནས་ཉན་ཞིབ་གཏམ་བཤད་གནང་ཡོད་ལ།   ཁོང་གིས་ བོད་དོན་ནི་ཨ་རྒྱ་གཉིས་ཀྱི་འབྲེལ་བའི་ཕྱོགས་ཀྱི་ལས་དོན་གལ་ཆེ་ཤོས་ཀྱི་གྲས་ཡིན་ཅེས་གསུངས་ཡོད། ཁོང་ནི་ཨ་རིའི་ཕྱི་འབྲེལ་སྡེ་ཚན་གྱི་མཐོ་རིམ་ལས་བྱེད་ཁྲོད་ནས་གྲོས་ཚོགས་གོང་མའི་ཕྱི་སྲིད་ལས་དོན་ཚོགས་ཆུང་གི་ མདུན་དུ་ཕེབས་མཁན་ཐོག་མ་དེ་ཆགས་ཡོད་ལ། ཚོགས་ཆུང་འདིས་ཨ་རིའི་བོད་ཀྱི་སྲིད་བྱུས་ཀྱི་རྐང་འགན་ཡང་ཁུར་ ཡོད། ད་དུང་བོད་དང་འབྲེལ་བའི་མཐོ་རིམ་ལས་བྱེད་དེ། ངལ་རྩོལ་དང་འགྲོ་བ་མིའི་ཐོང་ཐང་། དམངས་གཙོ་བཅས་ ཀྱི་དྲུང་ཆེ་ལས་རོགས་དང་། མི་འབོར་དང་སྐྱབས་བཅོལ། ཡུལ་མི་གནས་སྤོར་སྡེ་ཚན་གྱི་དྲུང་ཆེ་ལས་རོགས། ཨ་རིའི་རྒྱ་ ནག་གི་དོན་གཅོད།...

སྐྱེས་སྐར་དང་མཉམ་དུ་གློད་གྲོལ་ཡོང་ཐབས། བོད་ཀྱི་བང་ཆེན། ཟླ་འདིའི་ཚེས་༡༩ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན། ནོར་ཝེ་ཞི་བདེའི་གཟེངས་རྟགས་ཐོབ་མྱོང་ མཁན་འབར་མའི་མང་གཙོ་ཚོགས་པའི་ཚོགས་གཙོ།      མི་ལོ་༡༩ རིང་འབར་མའི་དམག་གཞུང་གི་བཙན་དབང་ བཀག་ཉར་འོག་བསྡད་པའི་ལྕམ་ཨན་སང་སིན་ཅི་མཆོག  དགུང་ལོ་༦༤ ལ་སོན་པའི་སྐྱེ་སྐར་དང་བསྟུན་ནས་ཡུ་ རོབ་མཉམ་འབྲེལ་དང་ནུབ་ཕྱོགས་པའི་ལྟད་མོ་འཁྲབ་སྟོན་པ་སྙན་གྲགས་ཅན་ཚོས། ཆ་རྐྱེན་གང་ཡང་མེད་པ་གློད་ གྲོལ་དགོས་པའི་ས་རྟགས་བསྡུ་རུབ་དང་བརྙན་འཕྲིན་ལེ་ཚན་ནང་འཁྲབ་སྟོན་གྱི་ལས་འགུལ་སྤེལ་ཡོད་པ་རེད།  དེ་ཡང་ལྕམ་ཨན་སང་སིན་ཅི་མི་ལོ་༡༩ བཙོན་འཇུག་བཀག་ཉར་གྱི་དུས་ཡུན་ཚང་ཡོད་རུང༌། ཉེ་དུས་ཨ་རིའི་མི་ གཅིག་ཆོག་མཆན་མེད་པའི་ཐོག་ནས་བཀག་ཉར་ཁང་དུ་སོང་བའི་རྐྱེན་གྱིས།  སླར་ཡང་ཨན་སང་སིན་ཅི་ཁྲིམས་ ཁང་དུ་འགྲོ་དགོས་བྱུང་ནས་ད་ལྟའི་བར་ཁྲིམས་ཐག་ཆོད་མེད་པ་རེད། ༢༠༡༠ ལོར་འབར་མའི་དབུས་འོས་བསྡུ་ ཆེན་མོའི་དུས་ཚོད་སླེབས་ཡོད་པས། འབར་མའི་དམག་གཞུང་གིས་རྐྱེན་སྣ་ཚོགས་ལ་ཁག་གཡོགས་ཏེ། ...

རྒྱ་གར་དམར་ཕྱོགས་ཚོགས་པའི་ནང་འཁྲུག བོད་ཀྱི་བང་ཆེན། ཟླ་འདིའི་ཚེས་༡༨ ཉིན་གསར་ལམ་ཁག་ནས་གནས་ཚུལ་སྤེལ་བ་ལྟར་ན།བདུན་འགའི་སྔོན་ནས་གློ་བུར་དུ་རྒྱ་གར་ གྱི་དམར་ཕྱོགས་པའི་འཇབ་རྒོལ་དམག་དཔུང་རྣམས།    གནས་ངེས་མེད་དུ་གྱར་ནས་ས་ཕྱོགས་གང་སར་ཡུལ་མི་ མང་པོ་ལྐོག་གསོད་དང་འཕྲོག་བཅོམ་བྱས་པའི་རྐྱེན་གྱིས། རྒྱ་གར་དབུས་གཞུང་གིས་དྲག་པོའི་དམག་དཔུང་གཏོང་ དགོས་བྱུང་བའི་གནས་ཚུལ་ཐོན་ཡོད་པ་རེད།     དེ་ཡང་རྒྱ་གར་གྱི་མངའ་སྡེ་ནུབ་བྷང་གྷལ་ནི་རྒྱ་གར་གྱི་དམར་ ཕྱོགས་ཚོགས་པའི་ལྟེ་གནས་ཡིན་ཞིང༌། ལོ་གྲངས་༣༠ མ་ཟིན་ཙམ་མངའ་སྡེ་དེ་དམར་ཕྱོགས་ཚོགས་པས་འཛིན་ མྱོང་ཡོད་པ་དང༌། ད་དུང་ཡང་མངའ་སྡེ་གཞུང་དམར་ཕྱོགས་ཚོགས་པའི་འཛིན་སྐྱོང་འོག་ཏུ་ཡོད་པ་རེད། འདས་ པའི་ལོ་གྲངས་མང་པོའི་རིང་རྒྱ་གར་གྱི་གྲོས་ཚོགས་སུ་དམར་ཕྱོགས་ཚོགས་པས་རྐུབ་སྟེགས་མང་པོ་འཛིན་མྱོང་ ཡོད་པས། དམར་ཕྱོགས་ཚོགས་པས་རྒྱ་གར་དབུས་གཞུང་ལ་ངོ་རྒོལ་བྱེད་སྐབས་ནུས་པ་ཧ་ཅང་ཆེན་པོ་ཐོན་གྱི་ཡོད་ པ་རེད། ༢༠༠༩ ལོའི་རྒྱ་གར་འོས་བསྡུ་ཆེན་མོ་ཐེངས་བཅོ་ལྡ་པའི་སྐབས་དམར་ཕྱོགས་ཚོགས་པར་གྲོས་ཚོགས་ཀྱི་རྐུབ་ སྟེགས་༡༥ ཙམ་ལས་ཐོབ་མེད་པས།...

བོད་ནང་གི་གནས་ཚུལ་ཕྱི་ཕྱོགས་སུ་མི་འགྲོ་བའི་འབད་བརྩོན། ༄༅།      །རྒྱ་ནག་གཞུང་གིས་བོང་ནང་ཐོན་པའི་གནས་ཚུལ་ཕྱི་ཕྱོགས་སུ་ཁྱབ་བསྒྲགས་མི་ཡོང་བའི་སྔོན་འགོག་བྱེད་ ཆེད་ཀྱི་འཕྲུལ་ཆས་གསར་བཟོའི་ཚོད་བལྟ་བྱེད་བཞིན་ཡོད་པ་རེད་འདུག ...

རྒྱ་ནག་སྲིད་འཛིན་ལ་ངོ་རྒོལ་སྤེལ་རྒྱུར་ཆོག་མཆན་སྤྲད་མེད་སྐོར། RFA རླུང་འཕྲིན་ཁང་། ༄༅།      །སོ་ལོ་ལྦ་ཀི་ཡའི་གཞུང་ནས་རྒྱ་ནག་སྲིད་འཛིན་མཆོག་གཟིགས་བསྐོར་སྐབས་ངོ་རྒོལ་གྱི་ལས་འགུལ་སྤེལ་ རྒྱུའི་ཆོག་མཆན་གནང་མེད་པའི་གནས་ཚུལ་འདུག      དེ་ཡང་སོ་ལོ་ལྦ་ཀི་ཡའི་ནང་ཡོད་པའི་བོད་ཀྱི་གྲོགས་པོ་ ཚོགས་པ་དང་ཕ་ལུང་ཀུང་།རྒྱལ་སྤྱིའི་ཉེས་ཡངས་ཚོགས་པ་སོགས་གཞུང་འབྲེལ་མ་ཡིན་པའི་ཚོགས་པ་དྲུག་ནས་ དེ་རིང་རྒྱ་ནག་གི་སྲིད་འཛིན་ཧུ་ཇིན་ཏའོ་མཆོག་ཁུལ་དེར་གཟིགས་བསྐོར་ཕེབས་པའི་སྐབས་སྲིད་འཛིན་གྱི་ལས་ ཁུངས་མདུན་ངོ་རྒོལ་གྱི་ལས་འགུལ་སྤེལ་རྒྱུའི་ཆོག་མཆན་ཞུས་ཡོད་ཀྱང་བཀའ་འཁྲོལ་གནང་མེད་པ་རེད། འོན་ཀྱང་ཚོགས་པ་དེ་དག་གི་གཞུང་ལ་ཞུ་སྙན་ཞིག་ཕུལ་ཡོད་པ་དེའི་ནང་མང་གཙོ་དང་རང་དབང་ལ་གུས་ བརྩི་དང་འགན་འཁྱེར་མཁ་གྱི་རྒྱལ་ཁབ་སུ་འདྲ་ཞིག་ཡིན་རུང་སོ་སོའི་མི་སེར་གྱི་རང་དབང་བེད་སྤྱོད་བྱེད་རྒྱུར་ ངོ་ཚ་ཁ་རྐྱེངས་ཆགས་དགོས་ཡག་ཡོད་མ་རེད།...