ཡིག་ཐོག་ཏུ་གསལ་བའི་བོད་ཀྱི་ལོ་རྒྱུས་ཕུ་ཐག སྤྱི་མཚུངས་ལྟར། འདི་ནས་ཡས་འདེད་ལོ་དུང་ཕྱུར་དུ་མའི་སྔོན་ནས་འཇིག་རྟེན་གྱི་སྒྲ་ཆེན་བྱུང་བས་འཛམ་གླིང་ འདི་གྲུབ་ཅིང༌། འདི་ནས་ལོ་ས་ཡ་༡༨༠ ཡི་སྔོན་རོལ་ནས་སེམས་ཅན་སྨིན་དྲུག་བྱུང་ཚུལ་བཤད་ལ། ལོ་གྲངས་ས་ ཡས་བར་སྟོང་ཆོད་པའི་རིམ་པའི་རྗེས་སུ་མི་རྒོད་དང༌། སྤྲེའུ་སོགས་སེམས་ཅན་མི་འདྲ་བ་སྣ་ཚོགས་ཤིག་གི་རྗེས་སུ་ འགྲོ་བ་མིའི་རིགས་བྱུང་ཟེར། དེས་ན་འཛམ་གླིང་གྲུབ་ནས་འགྲོ་བ་མིའི་རིགས་མ་བྱུང་གི་བར་དུ་སྟོང་ཆ་ལོ་གྲངས་ དུང་ཕྱུར་དང་ས་ཡ་རིམ་པས་ཆོད། སྐབས་འདིར་ཡིག་ཐོག་ཏུ་གསལ་བའི་ལོ་རྒྱུས་ཕུ་ཐག་རིང་ཤོས་ལ།་་བོད་ཀྱི་ལོ་རྒྱུས་ཕལ་མོ་ཆེར་ལོ་གྲངས་དངོས་སུ་ ཁ་གསལ་ཆེར་མེད་ཀྱང་ཐོག་མར་འཇིག་རྟེན་གྲུབ་ཚུལ་དང༌།  བར་དུ་འགྲོ་བ་མིའི་བྱུང་རིམ།  དེ་དག་རིམ་བཞིན་ འཕེལ་འགྲིབ་བྱུང་ཚུལ་རགས་རིམ་རེ་བཤད་ཅིང༌། དེ་ཡང་རྒྱལ་པོ་བཀའ་ཡི་ཐང་ཡིག་ལས། བར་བསྐལ་ཕྱེད་དུ་མེ་ དྲོད་རླུང་གིས་གཡོས།...

ལེའུ་དང་པོ། བོད་གདོད་མིའི་དུས་རིམ། དང་པོ། གནའ་ཤུལ་གྱིས་གསལ་བའི་བོད་ཀྱི་ལོ་རྒྱུས་ཕུ་ཐགལ་ལས་དུས་རིམ་གོང་མ་དང༌། བར་མ། འོག་མ་བཅས་ དབྱེ་བ་ཕྱེས་ཤིང༌། འགའ་རེས་རྡོའི་དུས་རབས་དང༌། ཟངས་ཀྱི་དུས་རབས། ལྕགས་ཀྱི་དུས་རབས་སོགས་གནའ་དུས་ ལ་དབྱེ་བ་མང་དུ་ཕྱེས་ཡོད།     གཤམ་གསལ་ལྟར་འཇིག་རྟེན་གདོད་མ་ནས་ལོ་དུང་ཕྱུར་རིམ་པའི་ལོ་རྒྱུས་རགས་ བཤད་ལས་ཞིབ་ཕྲ་སུས་ཀྱང་བཤད་ཐུབ་མེད།  དེའི་ཕྱིར་ངས་ཀྱང་བོད་བཙན་པོའི་དུས་རིམ་སྔོན་གྱི་ལོ་རྒྱུས་གང་ ཤེས་པ་༵༵བོད་གདོད་མའི་དུས་རིམ།ཀཀཞེས་པའི་ལེའུ་འདིའི་ནང་དུ་དབྱེ་བ་གང་ནུས་བརྗོད། འཇིག་རྟེན་འདི་གྲུབ་ ནས་ད་བར་ལོ་དུང་ཕྱུར་མང་པོའི་ཐེམ་པ་བརྒལ་ཟིན་པས་ཆགས་འཇིག་གི་འཕོ་འགྱུར་སྣ་ཚོགས་ཤིག་བྱུང་བ་སྨོས་ མེད་ཀྱང༌། ཚན་རིག་པ་དང༌། མངོན་པ་མཛོད་ལྟ་བུས་ཐོག་མའི་འཇིག་རྟེན་འདི་ཇི་ལྟར་ཆགས་ཚུལ་རོབ་བཤད་ ཙམ་བྱེད་པ་ལས།...

ལྔ་པ། བོད་ཀྱི་རིགས་རུས་གླེང་བ། བོད་མིས་རང་ཉིད་གདོད་མའི་འབྱུང་ཁུངས་ཕ་སྤྲེལ་རྒན་བྱང་ཆུབ་སེམས་དཔའ་དང༌། མ་བྲག་སྲིན་གཉིས་ཡིན་ ལུགས་ཤོད་ཀྱང༌། རྣལ་མས་བསམ་དགོས་པ་ལ། ཚན་རིག་པས་བཤད་པ་ལྟར་འགྲོ་བ་མིའི་རིགས་སྤྲེའུ་ལས་བྱུང་ ཡོད་ན་བོད་མིའང་དེ་ལྟར་ཡིན་མོད།  སྤྲེའུའི་རིགས་ཚན་བྱེ་བྲག་པ་གྲངས་མང་པོ་ཞིག་ལས་བོད་མི་གྱུར་ཚུལ་བལྟ་ དགོས་པ་ལས། ཡབ་མེས་སྤྲེའུ་གྲངས་གཉིས་ཙམ་གྱིས་བོད་མི་འཕེལ་བར་དྲན་ན་རྒྱུ་ཚན་མ་བསམ་པའི་གནས་སུ་ འགྱུར་ངེས། ༑ ནང་པས་བསྐལ་པ་ཡ་ཐོག་གི་དུས་སུ་འགྲོ་བ་མིའི་རིགས་འདི་ཧ་ཅང་གིས་བཟང༌། བཟའ་བཏུང་མི་དགོས་ཤིང་ བསམ་པ་ཙམ་གྱིས་དོན་ཀུན་འགྲུབ། རིམ་པས་མི་རྣམས་དྲན་འཕྲུལ་རྒོད་དྲག་པའི་མཐུ་ལས་འཚོ་གོས་བརྟེན་དགོས་ གྱུར་ཀྱང་མ་རྨོས་ལོ་ཏོག་འདོད་པའི་ཕུན་ཚོགས་སུ་གྱུར། ལེ་ལོ་ཅན་འགའ་ཞིག་གིས་ལོ་ཏོག་གསོག་ཉར་རྐུ་འཁྱེར་ གྱི་རྣམ་སྨིན་ངན་པས་འཚོ་བའི་དཀའ་ངལ་བྱུང་བས་ཕན་ཚུན་ས་ཞིང་བདག་བཟུང་བྱེད་དགོས་ཤར། ...

བཞི་པ། བོད་ཀྱི་སྐད་ཡིག་སྐོར་གླེང་བ། སྐད་ཡིག་ནི་མི་རིགས་ཀྱི་བླ་སྲོག་ཡིན་ལ། སྐད་ཡིག་ནི་མི་རིགས་ཀྱི་ཟུངས་ཁྲག་དང་ལྷན་དུ་འཁོལ་པའི་ཚོར་འདུ་ ཞིག་ཀྱང་རེད། གལ་ཏེ་སྐད་ཡིག་བོར་བའི་མི་རིགས་དེ་ནི་བདེན་རྩོད་ཀྱི་རྨང་གཞི་བྲལ་ལ། སྐད་ཡིག་བོར་བའི་མི་ རིགས་དེ་ནི་སྲོག་དབང་བྲལ་བའི་བེམ་གཟུགས་ཤིག་ལའང་མཚུངས་སོང༌།འཛམ་གླིང་དུ་སྒྲ་ལ་མཁས་པ་མང་པོས་ འགྲོ་བ་མིའི་སྐད་ཀྱིས་བརྡ་སྤྲོད་སྟངས་འདི་དག་ཐོག་མ་ཇི་ལྟར་མགོ་ཚུགས་མིན་སུས་ཀྱང་མི་ཤེས་ཟེར། མི་ནི་འགྲོ་ བ་གཞན་དང་མི་འདྲ་བར་བསམ་བློ་དང་དབང་ཤེས་ཀྱི་གསལ་ཆ་ཁྱད་འཕགས་ཀྱི་རྣམ་དཔྱོད་གསར་དུ་བྱུང་ནས་ སྒྲ་འདྲ་མིན་ལ་བརྟེན་ཏེ་བརྡ་སྤྲོད་ཐུབ་པའི་ནུས་པ་བྱུང༌། དེ་རྗེས་བརྡ་འཕྲོད་པའི་ནུས་པ་མྱུར་ཚད་ཀྱང་ཧ་ཅང་ གིས་ཆེ་རུ་སོང༌། མཁས་པ་མང་པོས་སྐད་བརྡ་ནི་ཡི་གེ་འབྲི་སྲོལ་མ་བྱུང་བའི་ལོ་དུ་མའི་སྔོན་ནས་ཡོད་ཅིང༌། ཡི་ གེ་འབྲི་སྲོལ་གྱི་ཐོག་མར་སྲོག་ཆགས་ཀྱི་གཟུགས་བརྙན་དང༌།   ...

གསུམ་པ། བོད་དུ་འགྲོ་བ་མིའི་བྱུང་རིམ་དང༌། འཕེལ་འགྲིབ།  རྒྱལ་ཁབ་གཞན་གྱིས་མིའི་འབྱུང་ཁུངས་བཤད་སྲོལ་དང༌། བོད་པས་བོད་མི་ཐོག་མ་ཇི་ལྟར་བྱུང་མིན་བཤད་སྲོལ་ བཅས་ལ་མི་འདྲ་བ་སྣ་ཚོགས་ཡོད་ཀྱང༌། མང་དག་བསམ་ཚུལ་དང་ཕྱོགས་ཞེན་ཙམ་ལས་རྒྱུ་མཚན་གྱིས་འགྲམ་ ཆུ་ལྡང་བའི་བསམ་རིན་ཡོད་པ་ཞིག་ཆེར་མེད། དཔེར་ན། བོད་པས་རྒྱ་གར་སྐྱ་སེང་བུ་ལྔ་འཐབ་པའི་ཚེ། རཱུ་པ་ཏི་ དཔུང་ཚོགས་རི་བོ་གངས་ཅན་གྱི་གསེབ་ཏུ་བྲོས་པའི་རིགས་ལས་བོད་མི་ཐོག་མ་བྱུང་ཟེར་བ་ལྟ་བུ་ནི་ནང་ཆོས་ འབྱུང་ཁུངས་ལ་ཕྱོགས་ཞེན་གྱིས་འཁྱོག་བཤད་ཤ་སྟག་བྱས་ཡོད། ཡིད་མི་ཆེས་ན། ཕྱོགས་རིས་འཁྱོག་བཤད་བྱས་ ཚུལ་ཡོད་དེ། འཇམ་དཔལ་རྩ་རྒྱུད་ལས། ང་ནི་ས་སྟེང་མྱ་ངན་འདའ། །ཁ་བ་ཅན་གྱི་ནང་དག་ཏུ། །སཱ་ལའི་ནགས་ ནི་ཡང་དག་འབྱུང༌།  སོགས་ཀྱིས་སྟོན་པ་རང་ཉིད་མྱ་ངན་ལས་འདའ་བའི་ཡུལ་དང༌།     ཇི་ལྟར་འདའ་ཚུལ་ གསུངས་པ་ལས་བོད་དང་འབྲེལ་བ་མེད་པ་དང༌། དེ་ཉིད་ལས།...

གཉིས་པ། བོད་ཡུལ་ཆགས་ཚུལ་བཤད་པ། བོད་ཡུལ་ཆགས་ཚུལ་བཤད་པ་ལ།  ཐོག་མར་འཛམ་གླིང་སྤྱིའི་ཆགས་ཚུལ་རགས་རིམ་མཚམས་སྦྱོར་གྱིས་བཤད་དགོས་ཤིང༌། དེ་མ་བཤད་ན་ བོད་ཡུལ་ཆགས་ཚུལ་གྱི་ལོ་རྒྱུས་རབ་རིབ་ཙམ་ལས་བཤད་དཀའ་བ་དང༌། བོད་ནི་འཛམ་གླིང་གི་ཆ་ཤས་ ཆུང་ཆུང་ཞིག་ཡིན་པས་སྤྱིར་འཛམ་གླིང་ཆགས་ཚུལ་རགས་ཙམ་ངེས་ན། བོད་ཀྱི་ཡུལ་ལྗོངས་ངོ་འཕྲོད་པ་ ལ་དགེ་ཕན་ཆེན་པོ་ཡོད།  དེས་ན་འཛམ་གླིང་སྤྱིའི་བྱུང་རིམ་བཤད་པ་དང༌།   བོད་ཀྱི་ཡུལ་ལྗོངས་ཆགས་ ཚུལ་བཤད་པའོ། ། དང་པོ།   འཛམ་གླིང་གི་ལོ་རྒྱུས་ཁག་ཏུ་འདི་ནས་ལོ་ས་ཡ་ ༣༦༠ ཡི་སྔོན་ལ་འཛམ་གླིང་ས་ཁྱོན་མང་ཆེ་ ཤོས་གོ་ལའི་དཀྱིལ་གྱི་འཕྲེད་ཐིག་གི་ལྷོ་ངོས་ལ་གོང་བུ་ཆེན་པོ་གཅིག་དང༌། བྱང་ངོས་སུ་དུམ་བུ་ཆུང་ཆུང་ ཁ་ཤས་ཆགས། འདི་ནས་ལོ་ས་ཡ་ ༡༨༠ཡི་སྔོན་དུ་འཛམ་གླིང་ས་གཞི་གོང་བཤད་འཕྲེད་ཐིག་དཀྱིལ་ངོས་ ནས་ལྷོ་བྱང་གཉིས་ཀའི་ཕྱོགས་སུ་རྒྱ་ཁྱོན་དང་ཆེ་ཆུང་སྙོམས་པ་ལྟ་བུའི་གཅིག་གྱུར་ཏུ་ཁྱབ་སོང་ཞིང༌།...

བོད་ཀྱི་ལོ་རྒྱུས་ཤེས་པའི་སྔོན་འགྲོ། དང་པོ། བོད་ཅེས་པའི་མིང་གི་སྐོར་བཤད་པ། བོད་མིས་རང་ཉིད་བོད་ཀྱི་ལོ་རྒྱུས་ཤེས་དགོས་ཤིང༌། དེ་ཤེས་པར་ཐོག་མར་བོད་ཅེས་པའི་མིང་གི་སྐོར་བསམ་ གཞིག་ཅིག་བྱ་རྒྱུ་གལ་འགངས་ཆེན་པོ་ཡིན། དེ་ཡང༌། བོད་ཅེས་པའི་རྒྱལ་ཁབ་ནི་འཛམ་གླིང་ཤར་ཕྱོགས་རྒྱལ་ ཁབ་ཆེ་ཤོས་རྒྱ་དཀར་ནག་གཉིས་ཀྱི་དབར་དུ་ཡོད་པས་རྒྱ་གར་གྱིས་བྷོ་ཊ་དང༌། རྒྱ་ནག་གིས་ཐུ་ཕཱན། དེང་ དུས་གྲགས་ཆེ་བའི་དབྱིན་ཇི་སྐད་ཡིག་ནང་བོད་ཀྱི་རྒྱལ་ཁབ་ལ་ཅགྲསྐྱཁྱཅདང༌། དེའི་བདག་པོ་གནས་སྡོད་ བྱེད་མཁན་བོད་ཀྱི་མི་རིགས་ལ་Tibetan ཞེས་འབོད་ཅིང༌། འཛམ་གླིང་སའི་མཐོ་ཤོས་ཡང་ཐོག་ཏུ་ཆགས་ ཡོད།བོད་ཅེས་པའི་མིང་བྱུང་སྟངས་དང༌། དེའི་ཁྱབ་ཚད་བཤད་པ། དང་པོ། ལ་ལས་བོན་ཞེས་པའི་སྒྲ་བོད་ཅེས་ པའི་སྒྲ་ལ་གྱུར་ཟེར་ན། བོན་དར་བའི་རྗེས་སུ་གཞི་ནས་བོད་ཅེས་བྱུང་བར་འདོད་དགོས་ཀྱང༌། ཡོངས་འཛིན་ བསྟན་འཛིན་རྣམ་དག་མཆོག་གིས། བོད་ཡུལ་སྐོར་གསུང་སྐབས།...

ལོ་རྒྱུས་ཤེས་པའི་དགེ་ཕན། ཐོག་མ་འཇིག་རྟེན་གྲུབ་པ་ནས་བཟུང༌། འཛམ་གླིང་ནང་དུ་གནས་པའི་མི་རིགས་སུ་འདྲ་ཞིག་ཡིན་ནའང་ ད་བར་རང་རང་མི་རིགས་ཀྱི་ལོ་རྒྱུས་བཟང་ངན་སྣ་ཚོགས་དང་གནས་ལུགས་ཉིན་མཚན་སྣང་མུན་བརྗེས་ པ་ལྟ་བུ་གྲངས་ལས་འདས་པ་ཞིག་བྱུང་ཡོད་པས།   གོ་ལའི་ཡང་རྩེར་གནས་པའི་རང་ཅག་བོད་མི་རིགས་ ལའང་དེ་བཞིན་ལོ་རྒྱུས་ཀྱི་འཕྲང་ལམ་རིང་མོ་ཞིག་ཡོད་པ་རེད།   འོན་ཀྱང༌།   རང་རེ་བོད་མི་རིགས་ཀྱི་ གོམས་གཤིས་ནང་ལོ་རྒྱུས་ནི་བེད་མེད་ལྟ་བུ་བསམ་ནས་སྦྱང་བརྩོན་ཞན་པས་ལྷོད་གཡེང་ཤོར་ཏེ་ལེགས་ པར་མི་ཤེས་པའམ། ཡང་ན་ཞོར་སྦྱང་ཙམ་ལས་བྱེད་སྲོལ་མེད་སྟབས་བོད་ཀྱི་ལོ་རྒྱུས་འགའ་ཤས་མི་གསལ་ བ་དང༌། འགའ་ཤས་བཞེད་པ་མི་མཐུན་པའི་རྩོད་རྙོག་སོགས་ཀྱི་གནས་སུ་གྱར་ཡོད་པ་རེད།...